БИШКЕК, 3-июн. — Sputnik. Америкалык актриса Мэрилин Монронун үйү 7,25 миллион долларга сатылды. Бул тууралуу РИА Новости агенттиги Los Angeles Business Journal басылмасына таянуу менен билдирди.
Маалыматка ылайык, 1929-жылы курулган актрисанын үйү Лос-Анжелестин Брентвуд аймагында орун алган. Бул үйдө Монро өзүнүн акыркы күндөрүн өткөрүп, 1962-жылы каза болгон.
Актрисанын үйүн сатып алган киши башында сунушталган суммадан 350 миң долларга көп төлөгөн.
Мэрилин Монро 1926-жылы 1-июнда төрөлүп, 1962-жылы 5-августта каза болгон.
