БИШКЕК, 5-июн. — Sputnik. №27 түзөтүүчү колониясында экстремизм жана терроризм боюнча жаза өтөп жаткан кишиге уюлдук аппарат жеткирүү аракетине бөгөт коюлду. Бул тууралуу Жаза аткаруу мамлекеттик кызматынан кабарлашты.
Жарым литрлик майонездин ичинен табылган уюлдук аппарат, наушник, заряд берүүчү каражат жана эки SIM-картасы
© Фото / пресс-служба ГСИН КР
Өткөн ишемби күнү Ысык-Көл облусуна караштуу Түп районунан келген аял абактагы кишиге азык-түлүк алып келген. Текшерүү учурунда мекеменин кызматкерлери жарым литрлик майонездин ичинен уюлдук аппарат, наушник, заряд берүүчү каражат жана эки SIM-карта табышкан.
Аял түшүнүк кат жазгандан кийин кое берилген.
