БИШКЕК, 10-июн. — Sputnik. Алматы шаарынан Ысык-Көлгө көзү азиз жана начар көргөн 12 велосипедчи келерин "Чексиз спорт" долбоорунун жетекчиси Бахтияр Базарбековдун сөзүнө таянып Sputnik Казакстан агенттиги жазды.
11-20-август күндөрү "Кыймыл энергиясы" деп аталган эл аралык веломарафон болмокчу.
Уюштуруучулардын айтымында, велотандем менен 12 адам 450 чакырымдан алыс аралыкты басып өтүшөт.
"Велотандем — бул стокер (көзү азиз велосипедчи) менен пилот (көзү көрбөгөн адамды коштоп жүргөн спортчу). Педалды экөө тең айландырганы менен башкаруу жоопкерчилиги пилотто", — деп түшүндүрдү Базарбеков.
Анын айтымында, жүрүштүн катышуучулары эс алуу үчүн жолго чатыр тигишет. Бул учурда жаратылышка аяр мамиле кылуу тууралуу видеоролик тартылат. Жыйынтыгында ден-соолугу жагынан мүмкүнчүлүгү чектелген адамдар үчүн саякаттоо маршруту түзүлөт.
Велосипедчилердин Ысык-Көлдүн жээгинде эс алуу маалында ар кандай тегерек стол, маалымат жыйындар өткөрүлмөкчү.
