БИШКЕК, 13-июн. — Sputnik. Шаршемби күнү айрым жерлерде жаан жаап, бийик тоолуу райондорго кар түшөт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
Чүй менен Талас өрөөнүндө 26…31 градус, Ош, Жалал-Абад жана Баткен облусунда 29…34 градус ысык болсо, Ысык-Көл жана Нарын аймагында күндүн табы 24…25 градуска чейин көтөрүлөт.
Бишкек менен Ош шаарында күн ачык болуп, күндүз 32-33 градуска чейин ысык болот.
