БИШКЕК, 18-июн. — Sputnik. Дүйшөмбү күнү өлкө аймагында күндүз жамгыр жаап, тоолуу райондордо кар жаашы мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден айрым жерлерде 15-20 метрге чейин жетиши мүмкүн.
Бишкек шаарында 31…33 градус жылуу болсо, Ош калаасында 33…35 градус ысык болот. Чүй менен Таласта күндүн табы 30…35 градуска чейин көтөрүлүшү божомолдонуп жатат. Ош, Жалал-Абад жана Баткен дубандарында 32…37 градус ысык болору айтылды. Ысык-Көлдө 24…29, ал эми Нарында 25…30 градус жылуу болору күтүлүүдө.
