БИШКЕК, 18-июн. — Sputnik. Журналист Келдибек Назиров 17-июнь күнү 52 жаш курагында оорудан улам көз жумду. Бул тууралуу Sputnik Кыргызстан агенттигине кесиптеши Семетей Талас уулу билдирди.
13 Кулжа 2017, 14:58
Саясат, экономика жана социалдык темаларга көп кайрылган Назиров "Агым", "Де-факто", "Жаңы ордо" сыяктуу гезиттерде эмгектенген.
2016-жылга чейин "Жаңы Агым" гезитинде иштеп, акыркы бир жылда ден-соолугуна байлаштуу эс алууда жүргөн.
Келдибек Назиров 1964-жылы 15-август күнү Баткенде туулган. Артында беш баласы калды.
Макумдун сөөгү бүгүн Сокулук районунун Гавриловка айылында жерге берилет.
