БИШКЕК, 23-июн. — Sputnik. Түштүк Африка Республикасынын Леди-Фрер айылында адамга окшош козу туулду. Бул тууралуу IOL басылмасы жазып чыкты.
Superstitious villagers living in fear after sheep gives birth to 'half-human half-beast' #NewsGrit https://t.co/AT8FquOzyb
— News Grit (@NewsGrit) 22 июня 2017 г.
Бул көрүнүш жергиликтүү тургундарды дүрбөлөңгө түшүрүп, алар муну кара күчтөрдүн таасири менен байланыштырган.
Ал эми мал доктурлар өлүк төрөлгөн козу адамга тиешеси жок экенин далилдөөгө аракет кылышкан.
"Кой Рифт-Валли илдетине чалдыккан. Ошол себептен түйүлдүк туура эмес өсүп калган. Инфекциянын белгилери даана көрүнүп турат. Биз жергиликтүү тургундарды ызы-чууга түшпөөгө чакырып, козу койдун тукуму экенин далилдей ала турганыбызды билдирдик", — деп мал доктурлар билдирген.
Ветеринарлар ишенбей жаткандарга бул сыйкыр эмес, оору экенин көрсөтүүнү пландоодо.
