Чотонов: Юстиция министрлигинин 90 жылдыгы белгиленип, мыкты кызматкерлер сыйланат
Юстиция министрлигинин 90 жылдыгы белгиленип, мыкты кызматкерлер сыйланат. Бул тууралуу Юстиция министрлигинин Укуктук пропаганда башкармалыгынын жетекичиси Айбек Чотонов Sputnik Кыргызстан радиосуна маек куруп жатып билдирди.
Анын айтымында, иш-чарага өкмөт башчы Сооронбай Жээнбеков баштаган мамлекеттик кызматкерлер келмекчи.
"28-июнь күнү Юстиция министрлигинин 90 жылдык мааракеси болот. Иш-чара Улуттук филармонияда өтүп, ага өкмөт башчы Сооронбай Жээнбеков баштаган өкмөт мүчөлөрү катышат. Салтанаттын алкагында мыкты кызматкерлерге ыраазычылык кат тапшырылат", — деди Чотонов.
Ал иш-чара майрамдык концерт менен коштолорун кошумчалады.
