Курбанова: Көлдөгү туристтик сезонго карата эки чет элдик түз аба каттамы ачылды
Туристтик сезондун ачылышы менен "Ысык-Көл" эл аралык аэропортунда Казакстан менен Өзбекстандан түз аба каттамдары өз ишин баштагандыгын "Манас" эл аралык аэропортунун маалымат катчысы Алия Курбанова билдирди.
Анын айтымында, бүгүн "Ысык-Көл" аэропортуна өзбекстандык 200гө жакын турист учуп келди.
"Бүгүн Ташкент — Ысык-Көл аба каттамы аркылуу 200гө жакын эс алуучу Ысык-Көлгө учуп келди. Андан сырткары, чартедик рейс менен Алматыдан да туристтер келди", — деди Курбанова.
Ал ошондой эле Ташкент — Ысык-Көл аба каттамы акыркы он жылдан бери биринчи жолу ишке киргенин кошумчалады.
Ал эми 5-июлда Чолпон-Ата шаарына Новосибирск шаарынан түз учактар каттай баштайт.
