БИШКЕК, 6-июл. — Sputnik. Россиялык сегиз студент кыргыз тили боюнча адистикке ээ болду. Бул тууралуу Кыргызстандын Россиядагы элчилиги кабарлады.
Билдирүүгө ылайык, 5-июлда Москва мамлекеттик лингвистикалык университетинин "Чет элдик аймак таануу" факультетинин "Кыргыз тили" адистигин Россиянын жарандары ийгиликтүү аяктады.
Аталган адистикке ээ болгон сегиз студенттин төртөө окууну артыкчылык диплому менен бүтүрдү.
Бул аракеттер Кыргызстан менен Россиянын билим берүү тармагындагы кызматташуусунун алкагында ишке ашууда.
