Бишкек шаарынын "Жал" кичи районунда салынып жаткан көп кабаттуу үйдүн курулушчулары өмүрүн тобокелге салып иштеп жатышканын айткан күбө Sputnik Кыргызстан агенттигинин WhatsApp номерине видео жиберди.
Андан эки киши коопсуздук эрежелерин сактабастан үйдүн сыртын шыбоо үчүн атайын темирлерди орнотуп жатканын көрүүгө болот.
"Булар атайын темирлерди орнотуп жатышат. Белине жок дегенде жип байлап алышпаптыр. Жыгылып кетсе эмне болот? Жакында эле ушундай көрүнүштөн улам кайсы бир компаниянын курулушчусу кулап кетпеди беле", — дейт күбө.
Ал ошондой эле коюлуп жаткан темирлердин алдында жумушчу балдар уктап жатканын айтып, кокус алардын үстүнө бир нерсе түшүп кетсе эмне болот деп тынчсызданды.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp номери аркылуу билдирсеңиз болот.
