БИШКЕК, 16-июл. — Sputnik. КРдин Борбордук шайлоо комитетине өзүн-өзү президенттик талапкерликке көрсөтүү арызы "Аалам" партиясынын лидери Арсланбек Малиевден келип түштү. Бул тууралуу аталаган мекеменин маалымат кызматынан билдиришти.
Малиев Арсланбек Касымакунович 1957-жылы 8-октябрда Жалал-Абад облусунда туулган.
Ал Чет өлкөлөр менен кызматташуу жана алакалашуу боюнча коомчулуктар союзунун президенти жана "Аалам" партиясынын лидери кызматтарын аркалап келет.
2017-жылдын 16-июлуна карата Борбордук шайлоо комиссиясына өз талапкерлигин сунуштаган 24 адамдан арыз түштү. Алар: Назарбек Нышанов, Өмүрбек Текебаев, Арстанбек Абдылдаев, Бакыт Дегенбаев, Сайнидин Султанидинов, Камилла Шаршекеева, Таалатбек Масадыков, Өмүрбек Бабанов, Рита Карасартова, Турсунбай Бакир уулу, Замира Муратбекова, Санжарбек Энназаров, Сагынбек Абдрахманов, Мукар Чолпонбаев, Кубан Чороев, Анвар Сартаев, Куттубек Бешбаков, Игорь Трофимов, Максатбек Жумабеков, Улукбек Кочкоров, Нурсет Мамедов, Руслан Жунусов, Мирлан Шерикул уулу жана Арсланбек Малиев.
Ал эми "Ак-Шумкар" партиясы Темир Сариевдин, "Өнүгүү-Прогресс" Бакыт Төрөбаевдин, "Адам укугу" партиясы Турсунбек Акундун, "Бүтүн Кыргызстан" партиясы Адахан Мадумаровдун, КСДП Сооронбай Жээнбековдун талапкерлигин көсөттү.
