Адатта моделдик чөйрөдө атаандаштык күч деген кептер бар. Бирок, маек жыйынтыкталып жатканда Миландын "жаш моделдерге кеңеш бере кетсем болобу?" дегени таң калтырды.
— Милан, сиз беш жашыңыздан тарта балет менен алектенип, бул тармактын өтөсүнө чыгам деп ойлоптурсуз. Кийин кантип модель болуп калдыңыз?
— Өспүрүм курактан тарта моделдик агенттиктерден сунуштар түшө баштады. Ал кезде өзүмдүн мүмкүнчүлүктөрүмдү сезе билбегендиктен баш тартып келгем. Бир жолу сүрөткө тартылып берүүгө макул болдум. Ошондон тарта бул ишти сүйүп калдым.
— Моделдик карьера сизди канчалык өзгөрттү?
— Моделдикке байланыштуу бардык тармакты өздөштүрдүм деп ойлойм. Маселен, мода дүйнөсүнүн тарыхын, стилист, фото сүрөтчү, дизайнерлик, тигүүчүлүктү үйрөндүм, профессионалдуу түрдө боенуп, чачымды жасай алам. Анан өзүмдүн күчүмө ишенгенди үйрөндүм.
— Сизге подиум жагабы же тартуу иштериби?
— Айырмасы жок. Тартуу ишинин жакшы жери бул — чыгармачылык менен иштейсиң. Подиум — көп кишинин эмгегин бириктирген шоу, элге жандуу образда чыгуу.
— Интервьюлардын биринде эч бир моделдик агенттик менен келишимим жок, менин агенттигим Инстаграм деп айтыптырсыз. Учурда Инстаграм моделдер үчүн жакшы мүмкүнчүлүк болуп жатат десек жаңылышпаймбы?
— Азыр моделдик бизнес социалдык тармактар менен тыгыз байланышта. Инстаграм — ар бир моделдин ишинин бир бөлүгү, жарнама үчүн жакшы мүмкүнчүлүк.
— Учурда ата-мекендик моделдердин ичинен сизге болгон суроо-талап жогору. Мунун кандай сыры бар?
— Сыры деле жок. Балким, башынан эле мода тармагынын кесипкөйлөрү менен иштешүү буюрса керек.
— Сиздин оюңузча идеалдуу модель кандай болушу керек? 90-60-90 параметриндеги моделдер дагы деле талаптабы?
— Эгерде кыздар кесипкөй модель болууну максат кылса дененин түзүлүшү, бойдун узундугу биринчи орунда. 90-60-90 —1990-жылдан бери келе жаткан стандарт. Жеке оюмда адам туура пропорционалдашкан дене-түзүлүшкө ээ болушу керек деп ойлойм.
— Жумушту алып кетүү психологиялык жактан оорбу?
— Жумушту берилүү менен аткарсаң кыйынчылыгы деле жок. Ал эми физикалык жактан оорчулуктар болот.
— Моделдик бизнес тууралуу кененирээк айтып берсеңиз. Көшөгө артындагы көрүнүш кандай?
— Диета кармайсызбы?
— Туура тамактанууну тандагам. Сууну көп ичем, йога жана пилатес менен машыгам.
— Карьераңызда батынып жасаган образыңыз кайсы?
— Бир жолу визажисттер эксперимент катары бетимди жана чачымды күлгүн түскө боеп, күмүш аралаш жалтырактарды бетиме чаптап салышкан. Ошол кебетем менен үйгө бардым. Көчөдөгүлөр таң калган бойдон эле калышкан. Анан бир саат боюу бети-башымды жууп отургам. Азыр эстеп күлүп калам.
— Сиз кийбей турчу кийим барбы?
— Оор суроо экен. Модель болгондон бери мага сунуштаган образдар менен кийимдер жагып эле келет. Негизи иштин шарттары, талаптары алдын ала сүйлөшүлөт. Күнүмдүк жашоодо өңү ачык, жөнөкөй кийимдерди жактырам.
— Сиз тең келгиңиз келген кумирлериңиз барбы?
— Кумирим жок. Жөн гана айрым моделдердин образдарына канааттанам.
— Негизги жумушуңуздан сырткары эмне менен алектенесиз?
— Жакында эле фото сүрөттөрдү өзүм тартканды үйрөндүм. Кошумча графикалык дизайнерликти өздөштүрүп жатам.
— Сиздин образыңыз жаратылыштын белегиби же кам көрүүнүн жыйынтыгыбы?
— Кичинекей кезимден тарта балет менен машыккандыгым таасир берсе керек. Ар дайым туура тамактанууну да жазбай кармап келем. Элүү, элүү десем туура болот.
— Моделдер арасында достук барбы?
— Менин модель досторум көп. Бардык нерсе адамдын өзүнөн көз каранды.
— Кесибиңизде сизге жакпай турчу нерсе барбы?
— Жакпаган жерлери көп деп айта албайм. Маселен, моделдер нукура сулуулукту сактаганга аракет кылышы керек. Тырмак-башыңды, чачыңды өтө ачык түскө боегонго болбойт. Анан да Кыргызстанда моделдерге аз төлөшөт.
— Моделдер эмне тууралуу сүйлөшөт?
— Башка кыздар эмне тууралуу сүйлөшсө ошол жөнүндө эле.
— Кандай музыканын коштоосунда сүрөткө түшкөндү жактырасыз?
— Мен музыканын бардык жанрынын күйөрманымын. Жан дүйнөмө көбүнчө хип-хоп ырлары жакын.
— Сиз жакшы көргөн сүрөттү эстеп көрсөңүз?
— Фондо космостун коштоосунда тартылган келишимдүү сүрөтүм бар. Бул сүрөт профессионалдуу эмес, болгону жигитим тартканы үчүн абдан жагат. Ошондой эле космостун сырларына кызыгам.
— Модель болууну кыялданган кыздарга кандай кеңештерди бере аласыз?
— 5 жылдан кийин өзүңүздү кандай элестетесиз?
— Бактылуу болууну каалайм. Сүйгөн ишим менен алектенип, көп жерде саякаттап, үй-бүлө күткүм келет.
