БИШКЕК, 28-июл. — Sputnik. Өкмөттүн алдындагы жергиликтүү өз алдынча башкаруу иштери жана этностор аралык мамилелер боюнча мамлекеттик агенттик "Эң мыкты айыл өкмөтү" наамына татыган айылдарды аныктады. Бул тууралуу агенттиктин маалымат кызматы билдирди.
2016-жылдын жыйынтыгы менен райондук жана облустук комиссиялардын кароосунун жыйынтыгы менен жалпы мамлекеттик комиссиянын кароосуна 13 айыл өкмөтү сунушталган.
Мамлекеттик сынак комиссиясынын чечими менен эки топ түзүлүп, сынакка катышкан айыл өкмөттөрдүн былтыркы жылы аткарган иштери менен жеринде таанышкан.
Баткен облусунун Баткен районунун Дара айыл өкмөтү 2-орунга татып, миллион сом байге алды.
Үчүнчү орунга Ош облусунун Алай районунун Талды-Суу айыл өкмөтү татыды (беш жүз миң сом).
Экинчи топтун арасынан:
Биринчи орун — Талас облусунун Кара-Бура районунун Бейшеке айыл өкмөтү (бир миллион беш жүз миң сом).
Экинчи орун — Ысык-Көл облусунун Ак-Суу районунун Ак-Чий айыл өкмөтү (миллион сом).
Үчүнчү орун — Жалал-Абад облусунун Сузак районунун Сузак айыл өкмөтү (беш жүз миң сом).
