БИШКЕК, 1-авг. — Sputnik. Казакстандагы дарыгерлер интернеттеги рейтингге жараша айлык алат. Мындай долбоорду өлкөдө ишке ашыруу пландалып жатканын Sputnik Казакстан маалымат агенттиги билдирди.
Казакстандын саламаттык сактоо министри Елжан Биртанов дарыгерлер жасаган сапаттуу иши үчүн айлык алышы керектигин айтып, аны бейтаптар аныктай турганын билдирди.
Ал өз сөзүндө бейтаптар маалыматтык системадан дарыгерлердин рейтингин карап, жакшы дарыгерлерди тандай алгыдай болорун кошумчалады.
"Бул долбоор маалыматтык жана баалочу система аркылуу ишке ашырылат. Ар бир бейтап мындайча айтканда "жакты" деген баскычты басат. Ага жараша дарыгерлердин айлыгы аныкталат. Эгер кызмат көрсөтүү белгиленген деңгээлден ылдый болсо оорукана менен дарыгердин маселеси көтөрүлөт", — деди министр.
Ал ошондой "дарыгерлер өз рейтингин жасалма жол менен көтөрүүгө аракеттерди кылбайбы" деген суроого Биртанов "алардын андай кылууга убактысы жок болот" деп жооп кайтарган.
