Ат-Башы районундагы Ак-Сай өрөөнүндө Кыргызстандын жана Швейцариянын дарыгерлеринен турган топ элдин ден соолугун текшерип жатат.
"Бийик тоолуу шартта жашаган адамдар медициналык жардамга абдан муктаж. Өзгөчө Ак-Сай менен Алай аймагында жашагандар үчүн маанилүү. Биздин көп жылдык изилдөөлөр көрсөткөндөй өлүмгө учураган адамдардын саны ушул жактарда көп. Андан сырткары жүрөк, өпкө ооруларынын оор формасына чалдыккандар дагы көп", — деди Талант Сооронбаев.
Швейцариянын Улуттук өпкө оорулар госпиталынын жетекчиси Конрад Блох тоолуу аймактын жашоочулары үчүн шарт түзүлбөгөнүн, тургундар тамекини көп чегерин белгиледи. Андан сырткары, тамак-аш ачык жерде даярдалгандыктан түтүнгө ууланарын айтты.
Кыргызстан менен Швейцариянын дарыгерлери 15 жылдан бери тоолук жарандардын ден соолугун көзөмөлдөп келишет.
