Китепте ата-эне тууралуу баяндалганын автор өзү Sputnik Кыргызстан агенттигинин кабарчысына билдирди.
"Мындан алты ай мурун ата-эне тууралуу "Көк дептерди" баштадым эле. Жакында китеп болуп колума тийди. Ата-эне жөнүндө жазсамбы деп көптөн бери максат кылып жүргөм. Алар айтылып бүтпөйт тура. Эстесең эле эскерүү боло бербейт экен, олтурсаң эле жазууга айланышпайт экен. Айлап, жылдап ай тутулган сымал айтчу бир сааты чыгат окшойт. Китепте негизинен атама басым жасадым. Тилекке каршы, мен атамды эч качан көргөн эмесмин. Көрбөгөн адамды иликтеп жазуу оңой эмес экен", — деди Эдигеев.
Эдигеев "Бишкек таймс", "Агым" гезиттеринде иштеп, жубайы Чолпон Орозобекова менен биргеликте "Де-Факто" гезитин түптөгөн. Учурда Швейцария мамлекетинде иштеп, жашап жүрөт.
