БИШКЕК, 9-авг. — Sputnik. Америкалык актерлор Брэд Питт менен Анжелина Жоли ажырашуу боюнча берген арыздарын алып, жарашуусу мүмкүн экенин US Weekly басылмасы алардын жакындарына таянуу менен жазып чыкты.
"Ажырашуу боюнча берген арыздарды кароо токтоп турат. Аны ишке ашыруу үчүн алар аракет дагы кылышкан жок. Бардыгы бул нерсени алар атайылап эле жасап жатат деп жатышат" — деп басылманын ишенимдүү булагы билдирген.
Актерлор балдарына айтпай жолугушуп жатканын май айында айрым басылмалар жазып чыккан. Питтин арак ичпей калганы алардын мамилесин кайтадан жакындатканын ЖМКлар белгилешкен.
"Бардыгы алар кайтадан бирге жашап баштайт деп жатышат. Эгер алар жазган арыздарынан баш тартып, жарашса таң калбайм", — деп актерлордун жакын досторунун айтканын US Weekly басылмасы жазды.
Голливуд жылдыздарынын ажырашып жатканы 2016-жылдын сентябрында маалымдалган.
