БИШКЕК, 12-авг. — Sputnik. Жекшемби күнү республиканын көпчүлүк аймагында жаан-чачын болбой турганын Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге чейин жетет.
Чүй менен Таласта 25…30 градус жылуу болот. Ош, Жалал-Абад жана Баткен облустарында да күн ачык болуп, абанын жылуулугу 27…30 градуска жетээри күтүлүүдө. Ал эми Ысык-Көл жана Нарында күндүзү ысык 20…25 градуска жетип, түнү жамгыр жаай тургандыгын кабарланды.
Бишкекте 28…30 градус жылуу болсо, Ош шаарында андан 30-32 градуска чейин жетет.
