Ысык-Көлдүн пляждарынын бирине мөндүр жааганын WhatsApp-каналы аркылуу күбө билдирди.
Видеону тарткан адам мындай аба ырайы 12-августта болгонун, бирок кайсы пансионаттын пляжы экенин так айткан эмес.
"Бул жакка кар жааганына эч ким ишенбейт. Ысык-Көлдө чындап эле кыш", — деген күбө.
WhatsApp-каналдын айрым колдонуучулары видео Кара-Ой айылындагы "Алтын Жай (мурдагы Өзбекстандын улуттук банкы) пансионатынын пляжында тартылышы мүмкүн экендигин жазышкан.
Дагы бир окурман мөндүр Чолпон-Атада эки сааттын ичинде эле үч жолу жаап кеткенин айткан.
Ал эми ӨКМдин маалымат кызматы 12-августта Кыргызстандын бир катар аймактарында аба ырайы муздап, Ысык-Көл облусунда мөндүр жааганын кабарлады. Бирок Кыргызгидрометтин маалыматына ылайык, бүгүн Ысык-Көл облусунда күндүз +20…+25 градус ысык.
Эгер кандайдыр бир кызыктуу окуяларга туш болуп калсаңыз тарткан сүрөт, видеолорду биздин +996 706 566 544 WhatsApp же Telegram номери аркылуу билдирсеңиз болот.
