БИШКЕК, 16-авг. — Sputnik. Кыргызстандык спортчулар жиу-житсу боюнча Азия биринчилигинен беш медаль утуп кайтышты. Бул тууралуу Жаштар иши, дене тарбия жана спорт мамлекеттик агенттигинен билдирди.
Маалыматка ылайык, Азия чемпионаты 11-августтан 14-августка чейин Вьетнамда өткөн. Ханои шаарындагы мелдеште кыргызстандык Абдурахманхаджи Муртазалиев чемпион болуп, Муртазали Муртазалиев, Дмитрий Новиков күмүш жана Эржан Батыров менен Нуркалый Мирланов коло медаль тагынган.
