БИШКЕК, 18-авг. — Sputnik. Ошто "Азия элинин достугу" аталышындагы ашпозчулардын эл аралык фестивалы өтөт. Бул тууралуу шаардык мэрия билдирди.
Маалыматка ылайык, фестивалга Россия, Өзбекстан, Казакстан жана Кыргызстандын мен-мен деген ашпозчулары келип, палоо жасап жарышат. Эң мыкты деп табылган ашпозчуга Дубайга жолдомо берилет.
Иш-чара 20-август күнү шаардагы "Сүйүү багында" (мурунку "Мээрим") саат 10.00дө башталат.
Ошондой эле мэрия фестивалга келген көрүүчүлөрдү да сюрприздер күтөөрүн белгилейт.
