БИШКЕК, 26-авг. — Sputnik. 27-август күнү өлкө аймагында күн ачык болорун Кыргызгидромет билдирди.
Маалыматка ылайык, шамалдын багыты өзгөрүлүп, ылдамдыгы секундасына 1-6 метрге чейин жетет.
Чүйдө абанын температурасы 29…34 градуска чейин көтөрүлсө, Таласта 28…33 градус ысык болору айтылды. Ош, Баткен жана Жалал-Абад облустарында күндүн табы 30…35 градуска чейин жетет. Ысык-Көлдө 20…25, ал эми Нарында 22…27 градус жылуу болору божомолдонду.
Бишкекте күн 31…33 градуска чейин ысыса, Ош шаарында 32…34 градуска чейин көтөрүлөт.
