БИШКЕК, 28-авг. — Sputnik. Кыргызстан менен Мьянма футбол командаларынын оюнуна билеттер сатыла баштаганын Футбол федерациясы билдирди.
Азия кубогу — 2019 таймашынын тандоо турунун алкагындагы оюн 5-сентябрь күнү Дөлөн Өмүрзаков атындагы стадиондо саат 20.00дө башталат.
Федерация билеттердин баасын да айтып берди:
- стадиондун түштүк тарабы — 250 сом;
- чыгыш тарабы — 350 сом;
- батыш тарабы — 500 сом.
Стадиондун кассалары күн сайын саат 11.00дөн 19.00гө чейин иштейт.
Кыргызстан Макао, Индия жана Мьянма курама командалары менен бир тайпада. Буга чейин улуттук команда Макаону 1:0 эсебинде утуп, индиялыктардан 0:1 эсеби менен жеңилип калган.
