БИШКЕК, 29-авг. — Sputnik. Шаршемби күнү тоолуу райондордо күн себелеп, калган аймактарда ачык болот. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
"Борбор шаар менен Ош калаасында жамгыр жаабайт. Күн 35 градуска чейин ысыйт", — деп жазылат маалыматта.
Чүй, Талас өрөөнүндө 28…33, Ош, Жалал-Абад жана Баткен облустарынын дыйканчылык аймактарында 30…35, Ысык-Көл менен Нарында 24…29 градус жылуу болушу күтүлөт.
