БИШКЕК, 31-авг. — Sputnik. Оренбург шаарынын жанынан Кыргызстандын тогуз жараны жол кырсыгына кабылып, анын алтоо ооруканага жеткирилгенин, калган үйөө мейманканага жайгаштырылганын РИА Новости ӨКМдин аймактык башкармалыгынын маалыматына таянып кабарлады.
Ford Transit үлгүсүндөгү микроавтобус Самара — Оренбург жолунда кырсыкка учураган.
"Кыргызстандык жарандар Москвага бара жатышкан, бустун ичинде тогуз адам бар экен. Бизге жеткен маалымат боюнча алтоо жаракат алып ооруканага жеткирилсе, калган үчөө мейманканага жайгаштырылды", — деп айтып берген агенттиктин маектеши.
Божомолдоолор боюнча айдоочу жолдон уктап кетип, унаа каршы тилкеге чыккандан кийин оодарылып кеткен.
