БИШКЕК, 6-сен. — Sputnik. НТВ телеканалы Sputnik эл аралык маалымат агенттиги жана радиосу менен биргеликте эл аралык "Ты супер!" вокалдык сынагынын экинчи сезонуна кастинг башталганын жарыялайт.
Иш-чара ата-эненин камкордугусуз калган таланттуу балдарга жардам берип, чоң сахнаны көздөй жасалган алгачкы кадам жасоого колдоо көрсөтөт.
Оор турмушка кабылып, же ата-эненин камкордугусуз калган 7 жаштан 18 жашка чейинки кыргызстандык балдар үчүн эшик ачык.
Кастингге катышуу үчүн Sputnik Кыргызстан агенттигинин +996 707-950-459 WhatsApp-номерине же b.mamyrkulov@sputniknews.com дарегине видео жөнөтүү керек. Кененирээк маалымат алуу үчүн +996 555-950-459 номерине чалсаңыз болот.
1. Ким экенин (аты-жөнү, жаш курагы, жашаган шаары жана статусу: балдар үйүндө/интернатта/башка үй-бүлөдө/бирөөнүн камкордугунда жашайм) айтып берген видео, жана баланын аткаруусундагы бир нече чыгарма. Сынактарда ырдаган видеосу болсо да жарайт.
2. Толтурулган билдирмени тиркеп жөнөтүү
Биринчи тандоо турунун жыйынтыктары 2018-жылдын кыш айында белгилүү болот.
Эске салсак, "Ты супер!" балдар музыкалык сынагынын премьерасы 2017-жылдын 11-февралында НТВ телеканалынан көрсөтүлгөн. Биринчи эфирден тарта долбоор популярдуу шоу программага айланган. Балдардын вокалдык талантын өнүктүрүүгө калыстар тобу жардам берген. Алар: ырчы Ёлка, "Мираж" тобунун мурдагы солисти Маргарита Суханкина, продюсер Виктор Дробыш жана аткаруучу Стас Пьеха. Ошондой эле катышуучуларды тележурналист, ТЭФИ сыйлыгынын ээси Вадим Такменев дагы колдоого алган.
"Ты супер!" долбоорунун финалисттери беделдүү эл аралык сынактарга жана музыкалык иш-чараларга катышышты: Валерия Адлейба менен Евгений Бойцов "Детская новая волна" музыкалык сынакта таланттарын тартуулашты. Ал эми Кирилл Есин "Детское Евровидение" сынагына катышса, Виталий Толочкин "МУЗ-ТВ" телеканалынын сыйлык тапшыруу кечесинде ырдаган.
"Ты супер!" конкурсунун бардык финалисттери "Республика ШКИД" мюзиклинин катышуучулары боло алат. Ал эми 31-декабрда балдар теле көрүүчүлөрүнө "Супер Новый год на НТВ" шоусунда куттуктоо сөзүн айтышат.
