БИШКЕК, 20-сен. — Sputnik. АКШдагы Авраам Линкольндун мемориалында вандализм фактысы катталып, ага шектүү катары Кыргызстандын жараны кармалганын КР Тышкы иштер министрлигинен билдиришти.
Маалыматка караганда, шектүү мемориалга тыйын менен өз атын чегип жазып койгон.
#BREAKING: More vandalism at the #LincolnMemorial. Suspect in custody. @NationalMallNPS #DC #DMV @ABC7News at 4pm pic.twitter.com/P1TUgJLmaQ
— Tim Barber (@ABC7TimBarber) 19 сентября 2017 г.
"Окуянын чоо-жайын тактоо үчүн Кыргызстандын элчилиги полиция участогуна байланышка чыкты. Алар вандализм фактысы боюнча КР жараны кармалганын ырастаган. 19-сентябрда ал кое берилип, октябрдын башында сотко келиши керектиги маалымдалды. Сот келтирилген чыгымды 2 миң доллар деп баалап жатат", — деп айтылат билдирүүдө.
Элчиликтин Вашингтондогу консулдук кызматкери КР жаранына укуктук жардам көрсөтүү сунушу менен байланышканда, ал кылган ишине өкүнүп жатканын билдирген.
