БИШКЕК, 21-сен. — Sputnik. Борбор калаада "Шанхай деми — 2017" маданият фестивалы өтөт. Бул тууралуу ШКУдагы Кыргызстандын улуттук бөлүмүнүн Жаштар кеңеши билдирди.
Аталган иш-чара кино, живопись, сүрөт, музыка жана театрды бириктирет.
Фестиваль 28-сентябрдан 30-сентябрга чейин Кыргыз улуттук филармонияда, "Манас" кинотеатрында, Гапар Айтиев атындагы көркөм өнөр музейинде өтөт. Бул маданий иш-чарага Россиянын, Казакстан, Өзбекстан, Тажикстан жана Кытайдын чыгармачылык топтору катыша тургандыгы тастыкталды.
ШКУнун Жаштар кеңешинин улуттук бөлүгү боюнча координатору Таалайбек Дайырбековдун айтымында, Шанхай кызматташтык уюму бир гана соода-экономикалык багыт менен чектелбеши керек. Ал ШКУну максаты саясат эле эмес, маданияттардын алмашуусу жана улуттук салттарды сактоо экенин да кошумчалады.
