БИШКЕК, 23-сен. — Sputnik. Жалал-Абад облусунун Сузак районунда жасалма 9800 доллар алып жүргөн киши кармалды. Бул тууралуу ИИМдин маалымат кызматы билдирди.
Шектүү жаран Ош ИИББ менен Жалал-Абад ИИББдин биргелешкен атайын операциясы учурунда колго түшүрүлгөн.
"Honda үлгүсүндөгү машинаны тинтүү учурунда баштыктан жалпы суммасы 9800 доллар болгон 100 долларлык жасалма купюралар табылган. Табылган каражаттар күбөлөрдүн катышуусу менен алынган", — деп айтылат маалыматта.
Кармалган жаран убактылуу кармоо жайына киргизилди. Учурда анын шериктерин колго түшүрүү аракеттери көрүлүүдө.
Аталган факты боюнча кылмыш иши козголду.
