БИШКЕК, 28-сен. — Sputnik. Бишкектин Фрунзе менен Ибраимов көчөлөрүнүн кесилишине жакынкы аралыкта камера орнотулуп, жол эрежесин бузгандар сүрөт, видеого тартып алынат. Бул тууралуу Sputnik Кыргызстан агенттигинин кабарчысына ИИМден билдиришти.
Агенттиктин маектеши учурда "интеграциялык" иштер жүргүзүлүп жатканын маалымдады. Жакынкы аралыкта расмий бет ачары өткөрүлөт. Шаарды камералар менен жабдуу Бишкек мэриясы менен биргеликте ишке ашканы жатат.
Башка көчөлөргө дагы камера коюлар-коюлбасы азырынча белгисиз. Буга чейин мэрия долбоорду ишке ашыруу үчүн 30 миллион сом бөлөрүн маалымдаган.
Ушундай эле камера учурда шаардын батыш бөлүгүндөгү кире беришине коюлган.
