БИШКЕК, 3-окт. — Sputnik. Кечээ, 2-октябрда, Чүйдүн Аламүдүн районуна караштуу Таш-Мойнок айылында жыгач устундуу шифер жабылган бастырмадан өрт чыккан. Бул тууралуу ӨКМин мааылмат кызматынан кабарлашты.
2 Тогуздун айы 2017, 12:21
Билдирмеге караганда, тилсиз жоонун кеспетинен ал жердеги бир тонна көмүр, үч куб отун, 500 түк саман, 1000 түк чөп жана Sprinter унаасы толугу менен күйүп кеткен. Өрттүн келип чыгуу себеби такталууда.
Ал эми Жалал-Абаддын Сузак районуна караштуу Жашасын айылында Ford Focus менен Daewoo Tico унаалары кагышкан. Катталган кырсыктан Ford Focus машинасы толугу менен күйүп кеткен. Daewoo Tico унаасынын бир жүргүнчүсү жеңил жаракат алып ооруканага жеткирилген.
