Койчуманов: сүрөтчү-декоратор жок тасманын көркү чыкпайт
Койчуманов Sputnik Кыргызстан маалымат агенттиги менен болгон маекте кинотартууда сүрөтчү-декоратордун кызматы маанилүү экендигин белгилеп өттү.
"Тасмада декоратордун иши режиссердон кем калышпайт. Арткы фонду кооздоп берүү — биздин милдет. Өзгөчө тарыхый кинодо ар бир нерсени карап чыгуу маанилүү. Маселен дөңгөлөктү коем десең, анын кайсыл кылымга таандык экенин изилдеп чыгуу керек. Бул үчүн тарыхчыларга кайрылып кеп-кеңештерди алып турабыз", — деди өнөрпоз.
Төлгөбек Койчуманов Кыргызстандагы белгилүү кинофильмдердин бири "Саякбай", "Курманжан датка" тасмаларында сүрөтчү-декоратор болуп иштеген.
