БИШКЕК, 7-окт. — Sputnik. Чет өлкөдө иштеп жүргөн эмгек мигранттары ушул жылдын сегиз айында Кыргызстанга 1 миллиард 581,3 миллион доллар которгонун Улуттук банктан билдиришти.
Ал эми өткөн жылдын январь-август айларында чет жердеги мекендештер 1 миллиард 260,6 миллион доллар жиберишкен. Быйыл болсо салыштырмалуу 320 миллион долларга көбүрөөк акча которулган.
Россиядан — 1 миллиард 552,2 миллион доллар (былтыркы жылдын ушул убагында — 1 миллиард 224,4 миллион), Казакстандан — 2,8 миллион доллар которулду. Калган акча алыскы чет өлкөлөрдөн кирген.
Ар кайсы маалыматтарга караганда, чет жактарда миллионго жакын кыргызстандык иштеп жүрөт. Алардын 80 пайызы Россияда.
