Эсеналиев: автордук укук жаатында маданиятыбыз калыптанып бара жатат
Акыркы жылдары автордук укук жаатында жарандардын маданияты калыптанып бара жаткандыгын Интеллектуалдык менчик жана инновациялар боюнча мамлекеттик кызматтын жетекчиси Досалы Эсеналиев Sputnik Кыргызстан радиосуна маек куруп жатып билдирди.
Анын айтымында, учурда жарандар чыгармалардын баасын түшүнө башташты.
"Акыркы жылдары акырындап автордук укук боюнча маданият калыптанууда. Күндөн-күнгө жарандарыбыз дагы, авторлор да ар бир чыгарманын өзүнүн баасы бар экенин түшүнүп келе жатышат. Ал баа чыгарманын атактуулугуна карап коюлат. Мындайча айтканда, ыр канчалык хит болсо ошончолук баасы жогору болот", — деди Эсеналиев.
Ал чыгармасынын арты менен жакшы эле каражат тапкан авторлор бар экендигин кошумчалады.
