БИШКЕК, 20-окт. — Sputnik. Өкмөттүн Нарын облусундагы ыйгарым укуктуу өкүлү Аманбай Кайыпов "Таза коом" маалыматтык киоскилеринин иши менен таанышты.
Облус башчысы Нарын районунун Учкун, Достук айылдарында болуп, маалыматтык киоскилеринде иш алып барып жаткан операторлор жана андагы кардарлар менен жолугуп, пикир алышты.
Ал эми операторлор жабдыктар убагында орнотулуп, интернет байланышы менен камсыз болгонун маалымдашты.
"Учурда жалпы жарандык паспортторду, туулгандыгы тууралуу күбөлүктөрдү, никелешүү күбөлүктөрүн каттоо үчүн документтер кабыл алынып, аны даярдап берүү бир топ тездейт", — деп айтылат маалыматта.
Облус боюнча жалпысынан 57 жабдык келип, ишке киргизилүүдө. План боюнча 63 айыл аймагында маалыматтык киоскилер орнотулуп, кызматтын 193 түрүн көрсөтөт.
