БИШКЕК, 29-окт. — Sputnik. Таластын борбордук аянтына тынчтык митингине чогулгандар бийликке үч талап коюп, мөөнөтү 2-ноябрда аяктай турганын билдиришти.
Түрдүү маалыматтарга ылайык, тынчтык митингине 200дөн 500гө чейин киши чогулган.
Талаптар:
1. Алмазбек Атамбаев элди Абыке, Көбөштүн тукуму деп айтканы үчүн жети күндүн ичинде кыргызстандыктардан кечирим сурасын.
2. Кыргыз-казак чек арасын ачтырууга аракет жасасын.
3. Казак премьери Кыргызстандын бажы кызматы аябай коррупциялашканын айткандыктан анын ишмердигин иликтеп, элге отчет берсин.
Митингге келгендер 3-ноябрда саат 12-00дө кайра чогула турган болушту.
