БИШКЕК, 1-ноя. — Sputnik. Бишкекте 4-ноябрь күнү ышкыбоз ашпозчулардын ортосунда эң мыкты манты жасагандар аныкталат. Бул тууралуу Sputnik Кыргызстан агенттигине иш-чаранын уюшуруучусу Асел Сагадиева билдирди.
Сынакка бир нече ышкыбоздордон турган төрт топ катышары айтылды.
"Иш-чарабыз Бишкектеги ресторандардын биринде өтөт. Ага ар бири 2-3 адамдан турган төрт топ катышканы жатат. Бардыгы мантыны баштан-аяк ошол жерден даярдашат. Биринчи командада жубайлар, экинчисинде кесиптештер, үчүнчүсүндө достор катышары белгилүү болду. Акыркы команданын курамын күтүп жатабыз", — деди Сагадиева.
Жеңүүчүлөрдү кызыктуу байгелер күтөт.
Ал эми иш-чарага катышып, даамдуу манты жегиси келгендер алдын ала уюштуруучулар менен байланышып, билет сатып алышы керектиги айтылды.
