БИШКЕК, 1-ноя. — Sputnik. Жогорку Кеңештин вице-спикерлигине көпчүлүк добуш менен КСДП фракциясынан Асел Кодуранова шайланды.
Депутаттар жашыруун добуш берип, анын жыйынтыгында 91 депутат "макул" десе, 2 депутат "каршы" деген добуш берген.
Эл өкүлү буга чейин ЖКнын Конституциялык мыйзам, мамлекеттик түзүлүш, сот-укуктук маселелер жана регламент боюнча комитетин жетектеп келген.
Буга чейин төраганын орун басары Данияр Төлөнов өз ыктыяры менен ордун тапшырып берген. Ал вице-спикерликтен кетишин фракциялашы Дастан Жумабековдун спикер болуп шайланышы менен байланыштырган.
Эске сала кетсек, буга чейин төрага Чыныбай Турсунбеков өз ыктыяры менен кызматтан кетип, ордуна "Кыргызстан" фракциясынын депутаты Дастан Жумабеков шайланган.
