БИШКЕК, 3-ноя. — Sputnik. Жалал-Абад облусунун "Ала-Бука" районунда жайгашкан "Бозумчак" алтын кенинин иши кайрадан жанданганын Өнөр жай, энергетика жана кен пайдалануу мамлекеттик комитети билдирди.
Буга чейин аталган кенди иштетип жаткан "Каз Минералз Бозымчак" компаниясы 1-ноябрда текшерүүгө алынып, бир катар эреже бузуулар аныкталгандан кийин кен казууга тыюу салынган.
"Ушу тапта Өнөр жай, энергетика жана кен пайдалануу мамлекеттик комитети тарабынан аныкталган кемчиликтер жоюлуп, салынган айыптар төлөндү", — деп айтылат маалыматта.
Кендин ишин жандантуу маселеси комитеттин 3-ноябрда өткөн жыйынында каралып, оң жагына чечилген.
