Жанжигит уулу: Тоңдун айылдарын кыдырып бир жума спектакль коебуз
"Учур" жаштар театрынын жамааты Ысык-Көлдүн Тоң районуна гастролдоп барат. Бул туурасында Sputnik Кыргызстан радиосуна аталган театрдын актеру Жолдошбек Жанжигит уулу билдирди.
Өнөрпоздор "Апендинин беш катыны" спектали жана чакан концерт менен 7-ноябрдан 12сине чейин айылдарды кыдырышат.
"Гастроль Тоң районунун акиминин колдоосу менен уюштурулуп жатат. Бул спектаклди беш-алты жыл мурун да аймактарга коюп жакшы ийгиликтерге жетишкенбиз. Ал комедиялуу жана турмуштук спектакль болгондуктан элге аябай жагып, бир күнгө белгиленген жерде суранып эки-үч күнгө алып калышчу", — деди Жанжигит уулу.
Ошондой эле ал алдыда Талас, Баткен, Алай сыяктуу алыскы райондорго да гастролдоп баруу пландалып жатканын кошумчалады.
