БИШКЕК, 4-ноя. — Sputnik. "Учур" жаштар театрынын жамааты Ысык-Көлдүн Тоң районуна гастролдоп барат. Бул туурасында Sputnik Кыргызстан агенттигине аталган театрдын актеру Жолдошбек Жанжигит уулу билдирди.
Өнөрпоздор Ибрагим Содиковдун "Апендинин беш катыны" комедиялуу спектали жана чакан концерт менен 7-ноябрдан 12сине чейин айылдарды кыдырышат.
"Гостроль Тоң районунун акиминин колдоосу менен уюштурулуп жатат. Бул спектаклди беш-алты жыл мурун да аймактарга коюп абдан чоң ийгиликтерге жетишкенбиз. Ал комедиялуу жана турмуштук спектакль болгондуктан элге аябай жагып, бир күнгө белгиленген жерде эл кетирбей эки-үч күнгө алып калчу", — деди Жанжигит уулу.
Ошондой эле ал алдыда Талас, Баткен, Алай сыяктуу алыскы райондорго да гастролдоп баруу пландалып жатканын кошумчалады.
