Сманбеков: маданиятка президенттик деңгээлде көңүл бурулушу керек
Маданиятка президенттик деңгээлде көңүл бурулушу керек. Бул тууралуу Темирлан Сманбеков Sputnik Кыргызстан радиосуна маек куруп жатып билдирди.
Эске сала кетсек, 2-ноябрда өлкөдө маданият кызматкерлеринин күнү белгиленди.
"Аймактар боюнча маданият тармагында көйгөйлөр бир топ эле. Деңгээлин көтөрүү үчүн көп убакыт жана каражат керек. Өкмөттүк, президенттик деңгээлде көңүл буруп, чоң программаларды иштеп чыгуу зарыл. Андан сырткары, маданият министрлигин өнүктүрүү үчүн системдүү аракеттерди көрүшү керек", — деди Сманбеков.
Ал аймактарда тиешелүү адистер да жетишпей жаткандыгын кошумчалады.
