Айбек Мусаев 1983-жылы 10-июнда Баткен облусунун Кызыл-Кыя шаарында төрөлгөн.
Атасы Муса Куттуков жана апасы Эркинай Масаитова беш баланын ата-энеси. Апасы Эркинай Масаитова КРдин Эмгек сиңирген мугалими. Айбек — беш бир туугандын үчүнчүсү.
Үй-бүлөлүү, эки баланын атасы
1989-2000-жылдары Кызыл-кыя шаардык Дмитрий Карбышев атындагы орто мектепте окуган
2000-2005-жылдары Баткен мамлекеттик университетине караштуу Технология, экономика жана укук институтунун дене тарбия факультетин бүтүргөн. Кесиби — машыктыруучу мугалим.
Жетишкендиктери:
Спорттун бокс жана эркин күрөш түрү боюнча спорт чеберине талапкер;
2005-2006-жылдары эркин күрөш боюнча Ямало-Ненецкий автономдук округунун жеңүүчүсү;
2008-2009-жылдары Москвада өткөн уруш түрүндөгү самбо боюнча турнирдин финалисти;
Москвада өткөн жиу-житсунун бразилиялык версиясы боюнча кубоктун жеңүүчүсү;
Иш тажрыйбасы:
2011-жылдан тарта "Жаш күч" спорттук клубунун президенти, башкы машыктыруучусу;
Машыктыруучу бир канча спортчуну эл аралык турнирге катыштырган. Дүйнөнүн эки чемпионун тарбиялаган. 2015-жылы Тилек Машрапов жана Бахтияр Тойчубаев ММАдин WMMAF версиясы боюнча дүйнө биринчилигине жетишкен.
2017-жылы спорттун өсүшүнө салым кошкондугу үчүн КРдин премьер-министринин диплому менен сыйланган.
