БИШКЕК, 19-ноя. — Sputnik. ЖМК өкүлдөрү Голливуд жылдызы, актер Брэд Питт башка аялды жандап баштаганын божомолдошууда. Бул тууралуу Sputnik Белоруссия жазып чыкты.
Австралиялык New Ideа басылмасынын кабарчысынын айтымында, күбөлөр белгилүү актерду Лос-Анжелестеги кайрымдуулук кечеден Монаконун ханайымы Шарлотта менен бирге жүргөнүн көрүшкөн.
Актер менен ханайымдын расмий өкүлдөрү азырынча жылдыздар тууралуу эч кандай маалымат бере элек. Бирок жалпыга маалымдоо каражаттары "түгөйлөр" бир айдан бери жолугушуп жүргөнүн жана биринчи жолу ачыкка чыгышканын жазып чыкты.
Грэйс Келлинин небереси Шарлотта Казираги 31 жашта болсо, Брэд Питт 52де. Буга чейин Питт Гвинет Пэлтроу, Женнифер Энистон, Анжелина Жолли сыяктуу голливуд жылдыздары менен жашаган. Жоли менен учурда ажырашууда. Шарлоттанын да буга чейин сүйүү романдары болгон жана ал учурда актер Гад Эльмалех экөөнүн ортосундагы баласын тарбиялоодо.
