БИШКЕК, 22-ноя. — Sputnik. Кыргыз-казак чек арасындагы "Ак-Тилек" көзөмөл өткөрүү бекетинде кезек күткөн фуралардын саны 470ке жеткенин Мамлекеттик чек ара кызматынан билдиришти.
Ага ылайык, бир саатта алтыдан ашык машина өткөн жок. Ал эми "Чоң-Капка" көзөмөл өткөрүү пунктунда 170 машина кезекте турат.
Белгилей кетсек, 10-октябрда кыргыз-казак чек арасынан өтүү кыйындай баштаган. Расмий Астана бул кадамды чек арадан өтүп жаткан мыйзамсыз товарларды ооздуктоо үчүн жасалып жатканын билдирген.
