БИШКЕК, 23-ноя. — Sputnik. Нарын облусуна кыштан чыгуу үчүн жалпысынан 55 миң 174 тонна көмүр керектелет. Учурда билим берүү, саламаттыкты сактоо, маданият мекемелери, кесиптик билим берүү тармагы, ошондой эле жылуулук берүү ишканасы 100 пайыз көмүр менен камсыздалды. Бул тууралуу өкмөттүн Нарын облусундагы өкүлчүлүгүнөн билдиришти.
Ага ылайык, облус аймагында элге көмүр сатуучу 68 кампа уюштурулган.
"Ак-Талаа районунда — 13, Ат-Башыда — 12, Жумгалда — 13, Кочкор районунда — 12, Нарын районунда — 15, Нарын шаарында — 3 кампа ачылган. 23-ноябрга карата алынган маалымат боюнча кампаларда 2 миң 374 тонна көмүр бар", — деп айтылат маалыматта.
Ошондой эле көмүрдүн тоннасы Ак-Талаада 2800-3000 сом, Ат-Башыда 3300-3500, Жумгалда 950-2130, Кочкордо 2200-2600, Нарын районунда 3000-3500, Нарын шаарында 3300-3500 сомдон сатылып жатат.
Маалыматка ылайык, учурда калктын 70 пайызы көмүр алган.
