Ахмет Доган Кыргызстанга 2007-жылы келген. Программист кесибине ээ болгон Ахмет Доган сүрөтчүлүк өнөрдү дагы аркалап жүрөт. Ал Кыргызстандыкындай жаратылыш кооздугун башка жерден жолуктурбаганын белгилеп, табият сүйүүчүлөр үчүн Кыргызстан бейиш экенин айтып келет.
— Алгач өзүңүздү тааныштыра кетсеңиз?
— Мен Түркиянын Токат шаарында туулгам. Бирок балалыгымдын көпчүлүк бөлүгү айылда өттү. Бул жактагыдай тоолор жок болсо да аба ырайы, жаратылышы бир аз Кыргызстанга окшошуп кетет. Ошондуктан Кыргызстанга келгенимде өзүмдү бөтөн сезген жокмун. Бул жакка 2007-жылы келгем. Өзүм башка тармакта иштесем да, бара-бара сүрөт тартуу менен алектене баштагам.
— Кыргызстан сизге кандай таасир калтырды?
— Сүрөттөрүңүздөн тоолорго болгон сүйүүңүздү байкоого болот…
— Асман тиреген тоолорду алгачкы жолу Кыргызстандан көрдүм. Тоолор менин жан-дүйнөмө тынчтык ыроолойт. Муну көптөгөн жол басып бийиктикке чыкканда гана билесиң. Тоо чокусунда булуттар, чагылган жана жамгыр бут алдыңда калат. Күнүмдүк майда көйгөйлөрдөн арылып, башкача ой-пикирлер пайда болот. Адамдар күн сайын иш, акчанын артынан жүрүп, өзүнө убакыт бөлүп көңүл бурбайт. Бул дүйнөдө эч ким бир нерсени акырына чейин аткарып, көңүлү ток болгон эмес. Мүрзөлөр иштери аягына чыкпаган пенделерге толо. Жашообуз чектелүү. Бүгүн да, эртең да окшош эле жашоону жашайбыз. Ошондуктан айлана-чөйрөгө көңүл буруп, бир аз да болсо ойлонууну билишибиз керек. Бийиктикте адам өзүн жашоого салыштырмалуу кичинекей, алсыз жандык экендигин сезет. Биздин жерге-көккө батыра албаган жашообуз бийик тоолордун жанында бир ууч кумдан да кичинекей экендигин аңдайсың.
— Кыргызстандын кайсы жери өзгөчө таасир калтырды?
— Өзүңүздүн кесибиңиз башка экен. Сүрөтчүлүк менен кантип алектенип калдыңыз?
— Сүрөт тартууну балалуу болгондо баштадым. Себеби менин балалыгыман калган көп деле сүрөт жок. Уулума эстелик болсун деген негизде баштагам. Бирок кийинчерээк сүрөткө тартуу жашоо образым болуп калды. Азыр жолдо баратып көз алдымдагы нерселер мыкты кадр болорун ойлой берем.
— Мыкты фотограф болуш үчүн эмне керек?
— Сиз тарткан сүрөттөр интернет айдыңында абдан популярдуу…
— Ооба, сүрөттөрүмдү жүктөгөндө көптөгөн адамдар жакшы сөздөрүн айтышат. Айрыкча чет жерде жүргөн кыргызстандыктар ыраазычылыгын билдиришет. Бир-эки күн сүрөт жүктөбөй калсам "байке, эмне болду?" деп жазышат. Анан жакында эле бирөө мен туулган Токат шаарын сүрөткө тартып жөнөтүп жибериптир. "Ар дайым бизге Кыргызстанды көрсөтүп турасыз. Сиз да өз мекениңизди көрүп алыңыз" деп жазыптыр.
