БИШКЕК, 25-ноя. — Sputnik. Кыргызстанда кесиптик жана техникалык билим берүүнү жакшыртууга 30 миллион доллар грант алынат. Бул тууралуу Билим берүү жана илим министрлигинин маалымат кызматынан кабарлашты.
Билдирүүгө караганда, кесиптик окуу жайларда билим ала тургандардын саны көбөйтүлүп, 3000дей мугалимдин кесипкөйлүгү жогорулатылат.
Андан сырткары, жумуш ордунан билим алууга мүмкүнчүлүк түзүү, жеке тараптар менен окуу жайлардын кызматташуусун жакшыртуу боюнча аракеттер көрүлөт.
Долбоор Азия өнүктүрүү банкы тарабынан каржыланат.
