БИШКЕК, 25-ноябрь. — Sputnik. Кыргызстандык мушкер Бусурманкул Абдубаит уулу M1-Challenge 86 эл аралык турниринде бразилиялык Диего Давеллону биринчи раундда техникалык нокаут менен жеңип алды. Бул тууралуу маалыматты спортчунун машыктыруучусу Кенжебек Чекиров билдирди.
Турнир 24-октябрда Россиянын Назрань шаарында өткөн.
Чекировдун айтымында, бир ай мурда M1-Challenge 83 турниринин алкагында эки мушкер ат салышып, бирок экинчи раундда калыстардын чечими менен тең чыгышкан. Бул спортчулардын реванш беттеши.
Бусурманкул Абдубаит уулу спорт айдыңында "Алай" каймана аты менен белгилүү. 2011-жылдан бери Fighter KG спорт клубунда машыктыруучу Кенжебек Чекировдун колунда тарбияланат.
Спортчулардын рейтингин аныктаган Sherdog порталындагы маалымат боюнча спортчу 9 жолу жеңишке жетип, 2 жолу утулган.
